BataKal

Ang mansiyon mo'y maluwang na lansangan

Araw man o gabi nagsisilbi mong kanlungan

Ang kama mo ay matigas na higaan

Malamig na sahig tagos sa iyong likuran.

Sa kahabaan ng hi-way ikaw ang boss

Walang pagod sa  iyong pamamalimos

Paghinabol ng pulis daig pa ang palos

Si ben tambling sa iyo ay nalaos.

Marumi mong damit tila isang kapa

Ng haring sa palasyo niyay tiningala

Pinangingilagan ng lahat ng madla

Ngunit wala namang sapin sa paa.

Hapunan mo'y kahit iisang putahe

Basta may nakahaing supot na rugby

Para ka na ding kumain sa jalibi

Utak namay nalulusaw unti-unti.

Dahil sa mapanghamong uri ng buhay

Kailangan mong sumugal at makisabay

Isang paa mo'y nakabaon na sa hukay

Itataya lahat para lang mabuhay.

Marahil hindi mo yan sadyang ginusto

Ang maging palaboy sa lahat ng kanto

Buhay na masalimuot at delubyo

Kahinaan mo ay siyang inabuso.

Napuno ng pait ang iyong kamusmusan

Namulat sa krimen bubot mong isipan

Kaya ano na ang magiging kinabukasan

Malamig na rehas,ang siyang hantungan?

Ang Nalimutang Paraiso

Sa dulo ng dagat aking naririnig

Hampas ng alon tila ba dumadaing

Sikat ng araw sa ibabaw ng tubig

Mayroong pait sa nakapapasong init.

Buhat dito  akin ding natatanaw

Ngiti ng langit ay tila ba pumanglaw

Ngayon ang dilim ay tunay na ngang inagaw

Ang ligaya sa kulay niyang mabughaw.

Napansin ko din na tila napagod na

Sa kasasayaw ang bulaklak na pula

Daiti ay may kulay ngunit bakit namutla?

Nahan nang aliw na dulot mong kaysaya?

Din na rin umimik ang hanging maingay

Nawala ang sigla at tila nanamlay

Hampas ng hangin sa puno  na dati'y  kumakaway

Ngayo'y lagas sa sangang namatay.

Dumating na ang araw na kailangan ng lisanin

Ang paraisong minsang kumupkop sa akin

Sa maraming taon sa kanya lumilim

Alaalang dapat ng limutin.

Think b4 U Click

Ang bagong teknologi
hatid ay hapi-hapi
me twitter,may fb
me youtube.,pde magsenti
kausap kahit malayo si "honey"
me trending na samut-sari
artista man o hindi
nakikisawsaw habang siting preti

pde ding magusap sa skype
me mga videos na ndi mo type
wg basta mag like
maging mapanuri sa isang side
sabi nga sa tv
be responsible lang ini
pagkat di lahat ay pde
pagkat sa bawat click
pde ka makasakakit
dapat sanlibong magisip
huwag maging negative
para hindi mag ngitngit
kapag daliri'y pumilantik
wg padala sa emosyong hitik
gamitin ang internet

na sa lahat ay maghahatid
ng pananaw na optimistik
at hindi poot at galit
kapg nd nid wag magcomment
magsurfing lang at maging silent
ienjoy lang teknologi advncement
hatid s tao'y malakng devlopment
worldwide man at sa ibang planet.

1314

TRAPO-lin

May pag-asa pa ba yaring ating bayan
Kung ang gobyerno'y balot sa katiwalian?
Kaliwa't kanang lintang sumisipsip sa yaman
Mga pinunong nagpapalaki ng tiyan.

Hospital arrest sa dating pangulo,
Impeachment naman sa Punong mahistrado,
Ilan lang sila sa mga binansagang" trapo"
Sa kaban daw ng bayan sila'y umabuso.

Hindi nga ba't sakit ng maituturing?
Salapi sa bulsa'y sa taumbayan nanggaling
Magagarang kotse,mansiyon,alahas na nagniningning
Habang si Juan Dela Cruz "deap sea" ang ulam sa kanin.

Sabi nga sa awit,habang may tatsulok
At yaong mga buwaya pa rin ang nasa tuktok
Sa ibaba nito'y mamamayang naghihikahos
Habang nakatingala sa mga pinunong kurakot!

Marami ng pulitiko sa media'y isinumbong
Sangkot sa anomalya at malawakang kurupsiyon
Ngunit meron bang nahuli at nakulong,
Baka naman sa kanila'y may pader na nagkakanlong?

Simula ng ang Pilipinas ay nagsarili
Mula sa mga dayuhang tamad, sakang, at puti
Hindi na nawala mga opisyal na tiwali
Kaya hanggang ngayon sa kahirapa'y nakatali

14

Deadline o Deathline?

Bakit para kang naghahabol na kabayo?
Isang milya sa bilis kung tumakbo
Nakakalimutan ng kumain sa dame ng trabaho
Bukas na ang deadline!sigaw ng boss na kalbo.

Sa bahay man o opisina/iskul laptop ang hawak
Rush papers ang siyang laging inaatupag
Sa kare-review sa exam inaabot ng magdamag

Kaya kinabukasan ang kapal ng eyebag!

Nakakamatay daw ang stress pag sobrang busy
Ayon'yan sa isang pamosong health study
Kaya nga marami ng nagcollapsed at inatake
Sa sobrang sipag hantungan ay morge.

Kaya hinay-hinay lang sa paghahabol ng deadline
Baka buhay maging wansapanataym na lang day!
Lahat ng pinaghirapan mawawalan ng saysay
Di na pakikinabangan pag ikaw na ay nasa hukay..

Hell-met Law

Kailangan lang binalita sa publiko
Nais ipatupad na hell-met law
Kaya dumagsa na ang libo-libo
Lahat ng riders sa mga munisipyo.
Kundi ba naman yan ay pasakit
Pipila ka sa gitna ng ulan at init
Abang si Juan sa trabaho'y umabsent
Makakuha lang ng sticker sa helmet.

'Yung mga di makapila bibili na lang
Pambili ng helmet sa bombay inutang
Pahirap sa mga bulsang walang laman
Makasunod lang sa batas gagawa ng paraan.
Republika ng pila,ganyan dito sa atin
Walang katulad onli in da Philippines
Sa dami man ng tao, pipila pa rin
Kahit na nga gutom,nanghihilo ang paningin.
Wala namang masama sa ganyang batas
Mabuti nga at sa lansangan ay ligtas
Ngunit di kaya napakaiksi ng oras?
Para ipatupad sa lahat ng antas.
Kaya nga nagmamadali itong si poknat
Kasama ang maganda niyang hipag
Sinugod ang ulan helmet ang hanap
Ngunit pag-uwe ng bahay kame ay nagulat,
Hell-met Law,next year pa ipapatupad!
Sana sa susunod ayusin kaya muna
Reorganisasyon ng bulok ng sistema
Panahon pa yan ni kopong-kopong at Mahoma
Para publiko ay di na maabala!

2

Silang Malapit sa Kaldero

Dun sa isang maliit na baryo
SIlang tinaguriang malapit sa kalderoKung kumain ay sa malaking platoInumin nila ay sa ginintuan nilangg baso.

Tila bagang mga buteteng botodPuno ang tiyan at laging busogHindi magkadaugaga sa kaning sinasandok
Puno na ang bibig,hindi muna lumunok.

Di ba dapat ang iba ay kasahog din?
Sa kalderong laman ay mainit na sinaing,
Ngunit dahil malayo,di makaabot pa mandin
Natitira sa palad pagkaing katiting.

Ang kalderong ay para yan sa lahat
Hindi yan pag-aari ng iilan o apat
Wag sanang angkinin ng mga haring kumag
Pagkat galing yan sa buwis ni Juan sipag!